თბილისი, 21 ივნისი − Sputnik. კონტაქტური ლინზების ტარება ცხელ ამინდებში რეკომენდებული არ არის, ვინაიდან თვალის დაზიანება შეუძლია, აცხადებს მედიცინის მეცნიერებათა დოქტორი, ოფთალმოლოგი ტატიანა შილოვა.
მისი თქმით, თაკარა მზის პირობებში, როდესაც აორთქლება ძლიერდება, ცრემლის აპკი მცირდება და ამის გამო ლინზა მჭიდროდ ეკვრის თვალის ზედაპირს. ამას კი შეუძლია რქოვანას ზედაპირზე მიკროეროზიები გამოიწვიოს.
„ამის კომპენსირება დამატენიანებელი წვეთებითაც კი ყოველთვის ვერ ხერხდება, ამიტომ გირჩევთ, სიცხეში სათვალეებზე გადახვიდეთ. სათვალის შემთხვევაში რქოვანას გაცვლითი პროცესები და ცრემლის აპკის ხარისხი ბევრად მაღალია, ვიდრე კონტაქტური ლინზების დროს“, − განმარტა ექიმმა.
ოფთალმოლოგი ურჩევს მათ, ვინც მხედველობის კორექციისთვის ლინზებს იყენებს, თუ დროებით სრულად არ იტყვიან უარს ცხელ ამინდებში მათ ტარებაზე, დღიური გამოყენების დრო მაინც შეამცირონ.
