თბილისი, 15 ივნისი — Sputnik. ჩინეთის საპატიმროებში შესაძლოა ორგანოების იძულებით გადანერგვის პრაქტიკა არსებობდეს, იუწყება Deutsche Welle გაეროს ექსპერტებზე დაყრდნობით.
#China: UN Experts are extremely alarmed by reports of alleged ‘organ harvesting’ targeting minorities in detention including #Uyghurs & #Tibetans.🇨🇳 must promptly respond to these allegations & allow independent monitoring by int'l human rights mechanisms https://t.co/Tg7oaSSyys pic.twitter.com/Bp0F6O4ith
— UN Special Procedures (@UN_SPExperts) June 14, 2021
როგორც გაეროს ექსპერტები აცხადებენ, მათ სანდო ინფორმაცია მიიღეს იმის თაობაზე, რომ ეთნიკური და რელიგიური უმცირესობების წარმომადგენლებს ჩინეთის ციხეებში იძულებით უღებენ ორგანოებს ტრანსპლანტაციის მიზნით.
„ამასთან, ხშირად მათ არც კი აცნობებენ დაკავების მიზეზს, ან ორდერი საერთოდ არ აქვთ“, — ნათქვამია 12 ექსპერტის დასკვნაში.
მათი მონაცემებით, განსაკუთრებით ხშირია ისეთი ორგანოების იძულებით ამოღება, როგორებიცაა გული, თირკმელები, ღვიძლი და თვალის რქოვანა. კერძოდ, ასეთი ზომები გამოიყენება ქვეყანაში აკრძალული მოძრაობა ფალუნგუნის წევრების, უიღურების, ტიბეტელების, მუსლიმებისა და ქრისტიანების მიმართ.
ჩინეთმა, თავის მხრივ, დეზინფორმაცია უწოდა ამ დასკვნას. ჟენევაში ჩინეთის წარმომადგენლობის წევრმა გაეროს ექსპერტები ცილისწამებაში დაადანაშაულა და განაცხადა, რომ მათ „აზროვნების რუდიმენტული უნარებიც“ კი არ გააჩნიათ, და რომ ისინი სეპარატისტებისა და მოძრაობა ფალუნგუნის ანტიჩინური დეზინფორმაციის მსხვერპლი არიან.
