თბილისი, 14 ივნისი — Sputnik. აზერბაიჯანის მილი მეჯლისი რიგგარეშე სხდომას გამართავს, რომელზეც სიტყვით თურქეთის პრეზიდენტი რეჯეფ ერდოღანი გამოვა, იუწყება სააგენტო РИА Новости დიპლომატიურ წყაროზე დაყრდნობით.
წყაროს ინფორმაციით, თურქეთის პრეზიდენტი ბაქოს ორშაბათს ეწვევა.
„თურქეთის ლიდერის გამოსვლა აზერბაიჯანის პარლამენტში 16 ივნისისთვისაა დაგეგმილი“, — აცნობა წყარომ სააგენტოს.
მანამდე ერდოღანმა განაცხადა, რომ აპირებს ეწვიოს ქალაქ შუშას, ასევე მთელი რიგი შეხვედრები გამართოს ბაქოში და ასევე დაესწროს თურქეთი–უელსის გუნდების მატჩს, რომელიც ფეხბურთში ევროპის ჩემპიონატის ფარგლებში 16 ივნისს ბაქოში გაიმართება.
