თბილისი, 11 ივნისი – Sputnik. აჭარის უმაღლესი საარჩევნო კომისიის (უსკო) თავმჯდომარე პარმენ ჯალაღონია მეორე ვადით აირჩიეს – გადაწყვეტილება აჭარის უმაღესი საბჭოს სხდომაზე მიიღეს.
აღნიშნულ თანამდებობაზე ექვსი წლით ჯალაღონიას არჩევა მმართველი პარტია „ქართული ოცნებისა“ და ოპოზიციური პარტია „ერთიანი ნაციონალური მოძრაობის“ წარმომადგენელთა დაპირისპირებისა და ურთიერთბრალდებების ფონზე წარიმართა.
ოპოზიცია მოითხოვდა ჯალაღონიასთვის კითხვების დასმის უფლებას, რაზეც მათ უარი მიიღეს.
აჭარის საკანონმდებლო ორგანოში ჯალაღონიამ მარტო მმართველი ძალის მხარდაჭერა მიიღო. ოპოზიციამ პროტესტის ნიშნად კენჭისყრაში მონაწილეობა არ მიიღო.
