საქართველო საფრანგეთისგან სამი წლის განმავლობაში თითქმის ნახევარ მილიარდ ევროს მიიღებს

© photo: Sputnik / Irina Kalashnikova / გადასვლა მედიაბანკშიპარიზი
პარიზი - Sputnik საქართველო, 1920, 10.06.2021
გამოწერა
НовостиTelegram
დახმარების პროგრამის ფარგლებში პროექტები განხორციელდება ენერგეტიკის, კერძო სექტორის, ჯანდაცვის, გარემოს დაცვის, სოფლის მეურნეობისა და რეგიონული განვითარების სფეროში.

თბილისი, 10 ივნისი – Sputnik. საფრანგეთის განვითარების სააგენტომ (AFD) თანამშრომლობის პროგრამის ფარგლებში საქართველოს 483 მილიონი ევრო გამოუყო, ნათქვამია საქართველოს მთავრობის ადმინისტრაციის განცხადებაში.

საქართველოს და საფრანგეთის განვითარების სააგენტოს (AFD) შორის 2021-2023 წლებისთვის თანამშრომლობის შეთანხმების ხელმოწერის ცერემონიას პრემიერ-მინისტრი ირაკლი ღარიბაშვილი ესწრებოდა.

„დღეს მნიშვნელოვანი დღეა, ვინაიდან, ხელს ვაწერთ ძალიან მნიშვნელოვან დოკუმენტს, რომლითაც საქართველოს, დამატებითი ფინანსური დახმარების სახით, მეცემა 483 მილიონი ევრო. ეს არის ძალიან მნიშვნელოვანი ჩვენი ქვეყნისთვის“, - განაცხადა ღარიბაშვილმა.

მისი თქმით, მთლიანი თანხიდან 33 მილიონი ევრო არის გრანტი, რომელიც გადაეცემა საქართველოს მთავრობას

ეიფელის კოშკი  - Sputnik საქართველო, 1920, 13.04.2021
საქართველოს მოქალაქეები სამუშაოდ საფრანგეთში გამგზავრებას წლის ბოლომდე შეძლებენ

„ჩვენ გვაქვს ბრწყინვალე თანმშრომლობა საფრანგეთის განვითარების სააგენტოსთან. მას შემდეგ, რაც სააგენტომ 2017 წელს გახსნა რეგიონული ოფისი, ჩვენი თანამშრომლობა კიდევ უფრო გაძლიერდა და გაფართოვდა. სააგენტოს პორტფელი ამჟამად დაახლოებით 480 მილიონ ევროს შეადგენს. საფრანგეთის განვითარების სააგენტოს მხარდაჭერით ქვეყანაში მნიშვნელოვანი პროექტები და პროგრამები ხორციელდება“, - განაცხადა ღარიბაშვილმა.

მისი თქმით, ახალი პროგრამის ფარგლებში ქვეყანაში სხვადასხვა პროექტები და პროგრამები განხორციელდება, მათ შორის ენერგეტიკის, კერძო სექტორის, ჯანდაცვის, გარემოს დაცვის, სოფლის მეურნეობისა და რეგიონული განვითარების სფეროში.

საქართველო გამოყოფილ თანხებს სამი წლის განმავლობაში მიიღებს. ძირითადი ნაწილი კრედიტის სახით ჩაირიცხება.

 

ყველა ახალი ამბავი
0