ინტერნეტში მეგან მარკლის 2014 წელს გადაღებული ფოტო ვრცელდება, სადაც ის ჟურნალით ხელში პოზირებს. საქმე იმაშია, რომ ჟურნალის გარეკანზე კეიტ მიდლტონია გამოსახული. ამან კიდევ უფრო გაამყარა ეჭვები იმაზე, რომ მეგანი წლების მანძილზე სამეფო ოჯახის დიდი ფანი იყო.
ადრე გავრცელდა ფოტო, სადაც ჯერ კიდევ თინეიჯერი მეგან მარკლი ბუკინგემის სასახლესთანაა გადაღებული. დასავლური მედია წერს, რომ მეგან მარკლი ყოველთვის ბევრს იკვლევდა სამეფო ოჯახის ცხოვრებას, ამიტომ პრინც ჰარისთან შეხვედრა მისი ოცნება იყო.
მიუხედავად იმისა, რომ მეგან მარკლი ინტერვიუში აცხადებს, რომ ის არასოდეს დაინტერესებულა სამეფო ოჯახის ცხოვრებით პრინც ჰარისთან შეხვედრამდე, ფაქტები საწინააღმდეგოს ამტკიცებს.
ცოტა ხნის წინ პრინცმა ჰარიმ ოპრა უინფრისთან თავად ისაუბრა იმ სტრესზე, რომელსაც სამეფო ოჯახიდან წამოსვლამდე განიცდიდა. მაგალითად ჰარიმ გაიხსენა მენტალური ჯანმრთელობის პრობლემები, რომელიც მეგანს ორსულობისას ჰქონდა. მის თქმით, ორსულმა მეგანმა მას გაუმხილა, რომ თვითმკვლელობაზე ფიქრობდა, ეს კი იმის გამო არ გააკეთა, რომ არ სურდა ჰარის მორიგი საყვარელი ადამიანი დაეკარგა.
