ლომინაძე: კომპანია ENKA რიონის ხეობაში სამშენებლო სამუშაოებს არ აწარმოებს

© Sputnik / Vladimir Umikashviliსაპროტესტო აქცია „ნამახვანჰესის“ მშენებლობის წინააღმდეგ
საპროტესტო აქცია „ნამახვანჰესის“ მშენებლობის წინააღმდეგ - Sputnik საქართველო, 1920, 31.05.2021
გამოწერა
რიონის ხეობაში ჯერჯერობით მოსამზადებელი სამუშაოები ტარდება, მაგრამ იმ სამი სოფლის მცხოვრებლებს, რომლებიც დაიტბორება, კომპენსაციები უკვე გადაუხადეს.

თბილისი, 31 მაისი – Sputnik. მდინარე რიონზე „ნამახვანჰესის“ მშენებლობა არ დაწყებულა, კომპანია მხოლოდ მოსამზადებელ სამუშაოებს აწარმოებს, განუცხადა ჟურნალისტებს თურქული კონტრაქტორი კომპანია ENKA-ს დირექტორმა მერაბ ლომინაძემ.

მისი თქმით, პროექტის შესაბამისად, კასკადის მშენებლობის არეალში დაიტბორება სამი სოფელი, მათ მცხოვრებლებს კომპენსაციის სახით უკვე 35 მილიონი ლარი გადაუხადეს.

სპეცრაზმი წყლის ჭავლის მანქანებით - Sputnik საქართველო, 1920, 31.05.2021
მათ შორის წყლის ჭავლი – რას ჰპირდება გომელაური „რიონის ხეობის მცველებს“

„პროექტის შესაბამისად, იტბორება სამი სოფელი. გადახდილი არის დღეის მდგომარეობით 35 მილიონი ლარი კომპენსაციის სახით. დაკმაყოფილებულია პრაქტიკულად ყველა ის მოსახლე, რომელიც იმყოფებოდა დატბორვის არეალში, გარდა ერთი ქალბატონისა. დიდ იმედს ვიტოვებთ, მას შემდეგ, რაც მოხდება შესაბამისი კომუნიკაცია და ამ საკითხების პროექტის სიკეთეების განხილვა, ქალბატონი მაკაც დაგვთანხმდება და თავის საყვარელ ადგილს დაუთმობს საკუთარ სამშობლოს“, – განაცხადა ლომინაძემ.

კომპანიაში მიაჩნიათ, რომ საპროტესტო აქციის მონაწილეებს შორის მოქმედებენ პროვოკატორი ჯგუფები, რომლებსაც შეტაკებების პროვოცირება სურთ.

იმის დასამტკიცებლად, რომ „ნამახვანჰესის“ მშენებლობა არ დაწყებულა, კომპანია ENKA-ს ჟურნალისტებისთვის მედიატური აქვს დაგეგმილი.

ამავე დროს საპროტესტო აქციების მონაწილეები მიიჩნევენ, რომ კომპანია ჩუმად ახორციელებს სამშენებლო სამუშაოებს და პროტესტის შეწყვეტას არ აპირებენ.

„ნამახვანჰესის“ მშენებლობის წინააღმდეგ პროტესტი უკვე 217 დღე გრძელდება.

მომიტინგეები მოითხოვენ მთავრობასა და კომპანია ENKA-ს შორის „ნამახვანჰესის“ მშენებლობის შესახებ შეთანხმების გაუქმებას, მთავრობის დადგენილების გაუქმებას ამ კომპანიისთვის მიწების ხანგრძლივი ვადით გადაცემის შესახებ, ეკონომიკის მინისტრ ნათია თურნავას გადადგომას, ასევე ქვეყნის ენერგოსექტორში მიმდინარე პროექტებზე დროებითი მორატორიუმის გამოცხადებას.

ვარლამ გოლეთიანი - Sputnik საქართველო, 1920, 31.05.2021
ვითარება რიონის ხეობაში – მორიგი დაპირისპირება მხარეებს შორის

მასშტაბური საპროტესტო აქციების ფონზე საქართველოს მთავრობამ 24 აპრილს „ნამახვანჰესის“ მშენებლობაზე ერთწლიანი მორატორიუმი გამოაცხადა. კაშხლის მშენებლობის პროექტს ხელახლა შეისწავლიან სპეციალისტები. ამასთან მორატორიუმი არ ეხება სხვა სამშენებლო სამუშაოებს რიონის ხეობაში.

საქართველოს მთავრობამ „ნამახვანჰესის" პროექტის შემუშავების, მშენებლობის, მფლობელობისა და მისი კასკადის ექსპლუატაციის უფლება 2019 წელს ნორვეგიულ კომპანია Clean Energy Group-ს გადასცა, რომელმაც, თავის მხრივ, მშენებარე კომპანიად თურქული Enka მოიწვია. საინჟინრო ნაგებობა ერთბაშად ორი მუნიციპალიტეტის – ცაგერისა და წყალტუბოს ტერიტორიებს დაიკავებს.

პროექტის განხორციელებამ საქართველოს ყოველწლიურად მოხმარებული ელექტროენერგიის 15% უნდა მოუტანოს. კასკადის მშენებლობაში 830 მლნ დოლარის ინვესტიცია განხორციელდება.

ყველა ახალი ამბავი
0