რა იცის შინაგან საქმეთა მინისტრმა ბადრი ესებუას შესახებ

© Sputnik / Alexander ImedashviliВахтанг Гомелаури
Вахтанг Гомелаури - Sputnik საქართველო, 1920, 31.05.2021
გამოწერა
შინაგან საქმეთა სამინისტრომ „საქართველოს ბანკზე“ თავდასხმის ფაქტს ტერორისტული აქტის კვალიფიკაცია მისცა. 2020 წლის ბოლოს ბადრი ესებუაზე საერთაშორისო ძებნა გამოცხადდა.

თბილისი, 31 მაისი – Sputnik. ვიცით სადაც არის ბადრი ესებუა - იგი ისვენებს, - ასე უპასუხა საქართველოს შინაგან საქმეთა მინისტრმა ვახტანგ გომელაურმა პოლიციის დღისადმი მიძღვნილი ღონისძიების შემდეგ ჟურნალისტების კითხვაზე, ამ დრომდე თუ რატომ ვერ დააკავეს „საქართველოს ბანკის“ ერთ–ერთ ფილიალზე თავდასხმაში ბრალდებულ ბადრი ესებუა. 

მართლმსაჯულება - Sputnik საქართველო, 1920, 04.03.2021
ზუგდიდის სასამართლოში ძმები ესებუების საქმეების არსებითი განხილვა დაიწყო

ზუგდიდში „საქართველოს ბანკის“ ერთ–ერთ ფილიალზე ყველაზე დიდი თავდასხმა 2020 წლის 21 ოქტომბერს მოხდა. შეიარაღებული პირი, რომელიც იდენტიფიცირებულია როგორც ბადრი ესებუა, ბანკის შენობაში შეიჭრა და 43 ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. აღნიშნული მოთხოვნების დაკმაყოფილების შემდეგ მან ყველა მძევალი გაათავისუფლა და მიმალვა მოახერხა. მისი ადგილსამყოფელი ამ დრომდე უცნობია.

გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

ბადრი ესებუას სამძებრო ღონისძიებები ამ დრომდე გრძელდება.

 

 

 

ყველა ახალი ამბავი
0