თბილისი, 30 მაისი - Sputnik. მაიამიში (ფლორიდას შტატი) უცნობმა პირებმა ცეცხლი გახსნეს, შედეგად ორი ადამიანი დაიღუპა და 20-ზე მეტი დაიჭრა, იუწყება ადგილობრივი პოლიცია.
„მე ვიმყოფები იმ ადგილზე, სადაც ცეცხლსასროლი იარაღის გამოყენებით მოხდა მორიგი მიზანმიმართული და ლაჩრული ძალადობის აქტი, დაჭრილია 20-ზე მეტი ადამიანი და, სამწუხაროდ, ორი ადამიანი გარდაიცვალა“, - დაწერა Twitter-ში მაიამის პოლიციის დეპარტამენტის დირექტორმა ალფრედო რამირესმა.
I am at the scene of another targeted and cowardly act of gun violence, where over 20 victims were shot and 2 have sadly died. These are cold blooded murderers that shot indiscriminately into a crowd and we will seek justice. My deepest condolences to the family of the victims.
— Alfredo "Freddy" Ramirez III (@MDPD_Director) May 30, 2021
მან აღნიშნა, რომ ბოროტმოქმედებმა დაიწყეს უმისამართო სროლა ხალხის მიმართულებით.
პარასკევს მაიამიში მოხდა ანალოგიური ინციდენტი, როდესაც უცნობმა პირებმა ქუჩაში სროლა ატეხეს. შედეგად შვიდი ადამიანი დაიჭრა, ერთ-ერთი მოგვიანებით საავადმყოფოში გარდაიცვალა.
