თბილისი, 23 მაისი – Sputnik. ქართველმა მოჭადრაკემ ნანა ძაგნიძემ ყაიმით დაასრულა პირველი პარტია FIDE-ს ეგიდით მიმდინარე გრან-პრის მეოთხე ეტაპზე, რომელიც გიბრალტარში დაიწყო.
ძაგნიძე რუსეთის წარმომადგენელ ეკატერინა ლაგნოს თეთრი ფიგურებით დაუპირისპირდა და 30-ე სვლაზე ყაიმს დასჯერდა.
ეს ეტაპი დასკვნითია FIDE-ს ეგიდით მიმდინარე გრან-პრიზე. პირველ ეტაპზე, რომელიც სკოლკოვოში (რუსეთი) გაიმართა, გაიმარჯვა ხამპი კონერუმ (ინდოეთი), მეორე (მონაკოში) - რუსმა ალექსანდრა კოსტენიუკმა, ხოლო მესამეზე (ლოზანა) - ძაგნიძემ.
მეოთხე ეტაპის დაწყებამდე გრან-პრის საერთო გუნდურ ჩათვლაში ლიდერობს ალექსანდრა გორიაჩკინა რუსეთიდან (398 ქულით), მეორე ადგილზეა კონერუ (293), ხოლო მესამეზე - კოსტენიუკი (193).
ორი მოჭადრაკე, რომელიც გრან-პრის შედეგების მიხედვით საუკეთესო იქნება, მოქმედ მსოფლიო ჩემპიონთან - ჩინელ ცზუი ვენცზიუნთან შეხვედრის უფლებისთვის პრეტენდენტთა ტურნირზე იბრძოლებს.
ტურნირის მეორე დღეს ძაგნიძე უკრაინის წარმომადგენელ ანა მუზიჩუკს შავი ფიგურებით დაუპირსიპირდება.
