Праздничное оформление - Sputnik საქართველო, 1920
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„15 წელი გრძელდებოდა“ – თამთა ჭელიძემ ჯაბა კილაძესთან დაშორების შემდეგ დეპრესია დაამარცხა

© courtesy of Tamta Chelidzeთამთა ჭელიძე
თამთა ჭელიძე - Sputnik საქართველო, 1920, 20.05.2021
გამოწერა
ჯაბა კილაძე განსაკუთრებით პოპულარული გახდა ცნობილი სერიალით „შუა ქალაქში“, სადაც სანდროს როლს თამაშობდა. მას და მომღერალ თამთა ჭელიძეს ქალიშვილი აკავშირებთ.

მომღერალმა თამთა ჭელიძემ მრავალწლიანი დეპრესია დაამარცხა. ამის შესახებ ის ჟურნალ „სარკეს“ უყვება. თამთა აღნიშნავს, რომ მან მძიმე პერიოდი გაიარა, როდესაც მეუღლეს, მსახიობსა და ტელეწამყვანს ჯაბა კილაძეს გაშორდა.

ჯაბა კილაძე - Sputnik საქართველო, 1920, 28.01.2020
ჯაბა კილაძეს და თამთა ჭელიძეს ულამაზესი შვილი ჰყავთ – ნახეთ როგორ ჰგავს გოგონა მამას

მომღერალი აღნიშნავს, რომ ეს დეპრესიული პერიოდი ჯამში 15 წელი გრძელდებოდა, ეგონა, რომ თავად უშველიდა თავს, რცხვენოდა ექიმთან მისვლის, მაგრამ სანამ ეს ნაბიჯი არ გადადგა, ვერაფერი მოუხერხა დეპრესიას.

„მთელი ამ წლების განმავლობაში საკუთარი თავი დაკარგული მყავდა, კონცენტრირებას ვერ ვაკეთებდი. პირადულზეც ვერ ვახდენდი კონცენტრირებას, ვერც საქმეზე. დღეს რომ ვაანალიზებ, ამის დასაბამი იყო ჩემი ოჯახის დანგრევა. ეს ჩემთვის დიდი დარტყმა და იმედგაცრუება იყო. ორსულობა და მშობიარობა მქონდა ურთულესი, რასაც მოჰყვა პოსტსამშობიარო დეპრესია. მოკლედ, ყველაფერი ერთმანეთს მოჰყვა. ძალიან ვარდისფერი სათვალით გაზრდილი გოგო ვიყავი და ბევრი რამ ზედმეტად მტკივნეულად აღვიქვი“, – ამბობს თამთა ჭელიძე.

თუმცა, მომღერლის თქმით, შვილისთვის მამაზე ცუდი არასდროს უთქვამს და არც ჯაბას ოჯახზე, ამიტომ ლიზის სიგიჟემდე უყვარს მამა და ბებია-ბაბუა და ყოფილმა წყვილმა ყველაფერი გააკეთა იმისთვის, რომ განშორებისგან შვილს ტრავმა არ მიეღო.

მსახიობი ჯაბა კილაძე საზოგადოებას თამთა ჭელიძის ცნობილი კლიპიდანაც ახსოვს, რომელსაც წლების წინ აქტიურად განიხილავდნენ, როგორც პირველ ქართულ მუსიკალურ ვიდეოს, სადაც თამამი სცენები იყო. მსახიობისა და მომღერლის წყვილმა 2002 წელს იქორწინა, თუმცა ქორწინება წარუმატებელი აღმოჩნდა. მათ ერთი ქალიშვილი ჰყავთ – ლიზა, რომელიც „მწვანე სკოლის“ მოსწავლეა. გოგონა ძალიან ჰგავს მამას. სოციალურ ქსელში გამოქვეყნებული ფოტოებიდან ჩანს, რომ მამა-შვილი ხშირად მოგზაურობს ერთად.

ყველა ახალი ამბავი
0