ნიკოლოზ ბასილაშვილი დევისის თასის მატჩებში მონაწილეობას არ მიიღებს

© Sputnik / Alexander Imedashviliნიკა ბასილაშვილი
ნიკა ბასილაშვილი - Sputnik საქართველო, 1920, 19.05.2021
გამოწერა
ტურნირში, რომელიც კვიპროსზე ივნისში გაიმართება, იასპარეზებს შვიდი გუნდი: კვიპროსი, საქართველო, ისლანდია, ლუქსემბურგი, მალტა, მონაკო, ირლანდია.

თბილისი, 19 მაისი — Sputnik. საქართველოს ნომერ პირველი ჩოგბურთელი ნიკოლოზ ბასილაშვილი (31-ე პოზიცია АТР-ს რეიტინგით) ვერ დაეხმარება ქვეყნის ეროვნულ გუნდს დევისის თასის მატჩებში.

ნიკა ბასილაშვილი - Sputnik საქართველო, 1920, 10.05.2021
ბასილაშვილი კვლავ მსოფლიოს 30 უძლიერესი ჩოგბურთელის სიაშია

საქართველოს ნაკრების შემადგენლობა ტურნირის ოფიციალურ ვებგვერდზე უკვე გამოქვეყნდა და მასში ქვეყნის უძლიერესი ჩოგბურთელის გვარი არ არის.

აგრეთვე დევისის თასის მატჩებში არ მიიღებს მონაწილეობას გიორგი ცივაძე. ამგვარად, საქართველოს ნაკრებს კვიპროსზე წარმოადგენენ: ალექსანდრე მეტრეველი, ალექსანდრე ბაქში, საბა ფურცელაძე და ზურა ტყემალაძე. გუნდის კაპიტანი - დავით კვერნაძე.

ტურნირში, რომელიც კვიპროსზე 16-19 ივნისს გაიმართება, თავდაპირველად უნდა ეასპარეზათ რვა ნაკრებს, მაგრამ ლიხტენშტეინის უარის შემდეგ დარჩა შვიდი გუნდი: კვიპროსი, საქართველო, ისლანდია, ლუქსემბურგი, მალტა, მონაკო, ირლანდია.

გუნდები ორ ჯგუფად გაიყოფიან - ერთში იქნება ოთხი ნაკრები, მეორეში - სამი. თითოეული ჯგუფის გამარჯვებული გადის პლეი-ოფში მეორე მსოფლიო ჯგუფში თამაშის უფლების მოსაპოვებლად. პლეი-ოფის კიდევ ერთი მონაწილე გაირკვევა პირად დაპირისპირებაში იმ ნაკრებებს შორის, რომლებიც თავიანთ ჯგუფებში მეორე ადგილებზე გავლენ.

ყველა ახალი ამბავი
0