თბილისი, 18 მაისი – Sputnik. ქართველი მწერლისა და „Sputnik–საქართველოს“ ავტორის ანასტასია ხატიაშვილის სადებიუტო რომანის „საუკეთესო, რაც არ გამაჩნია“ (Лучшее, чего у меня нет) პრეზენტაცია, რომელიც დედაქალაქის გამომცემლობა „კალმოსანში“ დაიბეჭდა, „Sputnik-საქართველოს“ მულტიმედიურ პრეს-ცენტრში 19 მაისს გაიმართება.
„საუკეთესო, რაც არ გამაჩნია“ – ფსიქოლოგიური ტრილერია, რომელიც რუსულ ენაზეა დაწერილი და 16 თებერვალს გამოიცა პლატფორმაზე Ridero. იმავე თვეში რომანი საგამომცემლო სერვისი Ridero-ს თებერვლის საუკეთესო წიგნების რეიტინგში მოხვდა.
„ესაა ორი ქართველი ახალგაზრდის ისტორია, რომელთა ცხოვრება და სიკვდილი იხლართება სიყვარულისა და გაგებისთვის გიჟურ რბოლაში, როდესაც რეალობის ყველა კანონი ირღვევა. მისტიკა გადაჯაჭვულია ქართულ მითოლოგიასთან, მეგობრობა - სიყვარულთან, ინგრევა სტერეოტიპები ერთგულებისა და ღალატის, სიკეთისა და ეგოიზმის შესახებ, როდესაც ფსონზეა საყვარელი ადამიანების უკანასკნელი ამოსუნთქვა უსასრულო არარსებობის დადგომამდე“, – ნათქვამია გამომცემლობის განცხადებაში.
ანასტასია ხატიაშვილი – ჟურნალისტი, მთარგმნელი, პოეტი, მოთხრობების კრებულისა და დოკუმენტური წიგნის ავტორი ბელა ახმადულინას შესახებ „სიზმრებზე მეტი“ (Больше, чем сны). 2014 წელს მოთხრობების კრებულით „ხვალ ომია“ (Завтра война) შევიდა პრემიის „დებიუტი“ ლონგ-ლისტში ნომინაციაში „მცირე პროზა“. 2020 წელს გახდა ფონდ „რუსკი მირის“ ჟურნალისტური სტატიების საერთაშორისო კონკურსის СО-Творение პრიზიორი.
