თბილისი, 16 მაისი – Sputnik. ქართული ტურისტული კომპანიების 18 წარმომადგენელი ტურიზმის ეროვნული ადმინისტრაციის მიერ ორგანიზებულ ინფო-ტურის ფარგლებში სამეგრელოს ესტუმრა, აღნიშნულია უწყების მიერ გავრცელებულ ინფორმაციაში.
ინფო-ტურის მიზანია შიდა და შემომყვანი ტურისტული კომპანიების წარმომადგენლებს შესაძლებლობა ჰქონდეთ საქართველოს სხვადასხვა რეგიონში შედარებით უცნობი ადგილები და ობიექტები მოინახულონ და მარშრუტების გათვალისწინებით ქართველი თუ უცხოელი ვიზიტორთათვის ტურისტული პაკეტები მოამზადონ.
ტურის მონაწილეებმა 3 დღის განმავლობაში დედამოკას ხეობა, ნოქალაქევის ციხე-გოის, აბეთადას ციხე დაათვალიერეს. ბალდას ხეობაში მოინახულეს ტობას და ონიარეს ჩანჩქერები. ეწვივნენ კერამიკის სახელოსნოს და ზუგდიდის ბოტანიკურ ბაღს.
ტურისტული კომპანიები საქართველოს ტურიზმის ეროვნულმა ადმინისტრაციამ, Gitoa - საქართველოს შემომყვან ტურ ოპერატორთა ასოციაციამ , GTA - საქართველოს ტურიზმის ასოციაციამ და საქართველოს ეკოტურიზმის ასოციაციამ შეარჩიეს.
