თბილისი, 16 მაისი – Sputnik. ქვემო ქართლში დმანისის მცხოვრებლებს შორის კონფლიქტი გადაიზარდა სისხლიან გარჩევაში ბეისბოლის ხელკეტების გამოყენებით.
ტელეარხ „მთავარი არხის“ მონაცემებით, კონფლიქტი უცნობი მიზეზის გამო გაჩნდა დმანისელებს შორის - ეთნიკურ აზერბაიჯანელებსა და ეკო-მიგრანტებს სვანეთიდან. სიტუაცია დღის ხუთი საათისთვის გამწვავდა. ცხრა აპრილის ქუჩაზე დარბეულია ერთ-ერთი სავაჭრო ობიექტი.
დაპირისპირება გრძელდება, მიუხედავად „კომენდანტის საათის“ დადგომისა, რომელიც საქართველოში საღამოს ცხრა საათიდან მოქმედებს.
ტელეარხ „მთავარის“ ვიდეოდაკვირვების კადრებში დასისიხლიანებული ადამიანები ჩანან. ადგილზე საპატრულო პოლიცია მივიდა, მაგრამ ის ჯერჯერობით კონფლიქტში არ ერევა.
შსს-ს ინციდენტთან დაკავშირებით კომენტარი არ გაუკეთებია.
დმანისში დაპირისპირების დეტალები და მიზეზები დგინდება.
