თბილისი, 15 მაისი – Sputnik. სამეგრელოში კორონავირუსის ინფექციით ბოლო 24 საათის განმავლობაში კიდევ ორი პაციენტი გარდაიცვალა. ინფორმაციას სამეგრელო-ზემო სვანეთის სამხარეო ადმინისტრაცია ავრცელებს.
ბოლო დღე-ღამეში რეგიონში კორონავირუსი 130 ადამიანს დაუდასტურდა.
ამავე ცნობით, 56 წლის მამაკაცი ფოთის მკვიდრია და ქუთაისის კოვიდ კლინიკაში იყო მოთავსებული. რაც შეეხება 71 წლის ჩხოროწყუს მკვიდრს, მამაკაცი რუხის საავადმყოფოში გადიოდა მკურნალობის კურსს.
რუხის კლინიკაში 158 კოვიდ-პაციენტი იმყოფება, მათ შორის მძიმეა 22 პაციენტის მდგომარეობა.
ფოთის კლინიკაში 40 კოვიდ პაციენტი, სენაკის კლინიკა „სენამედში“ 12 კოვიდ პაციენტი, აბაშის „ევექსის“ კოვიდ კლინიკაში 27 პაციენტი, სენაკის „ლაზიკა მედიში“ 56 პაციენტი იმყოფება.
რეგიონში დღის განმავლობაში გამოჯანმრთელებულ პირთა რაოდენობა კი 54 შეადგენს.
საქართველოს მასშტაბით ბოლო 24 საათში კორონავირუსის 1.788 შემთხვევა დაფიქსირდა.
ნიკა ლატარია
