თბილისი, 11 მაისი – Sputnik. სამეგრელო–ზემო სვანეთის რეგიონში კორონავირუსს ერთი ადამიანი ემსხვერპლა, იუწყება „Sputnik-საქართველოს" კორესპონდენტი.
სამხარეო ადმინისტრაციის ინფორმაციით, 78 წლამდე მამაკაცი ქუთაისის კლინიკაში გადიოდა მკურნალობის კურსს.
გასულ დღე-ღამეში რეგიონში ინფიცირების 131 ახალი შემთხვევა გამოვლინდა.
სამეგრელო–ზემო სვანეთში მოქმედ კოვიდ–ცენტრებში 271 პაციენტი აგრძელებს მკურნალობას, 17-ის მდგომარეობა მძიმეა.
რუხის კლინიკაში მკურნალობის კურსს 138 კოვიდ-პაციენტი გადის – 17 პაციენტის მდგომარეობა მძიმეა. ფოთის კლინიკაში იმყოფება 40 კოვიდ-პაციენტი, აბაშის „ევექსის“ კოვიდ–კლინიკაში 27 პაციენტია მოთავსებული, სენაკის „ლაზიკა მედიში“ – 54 პაციენტი.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.788-ით გაიზარდა და ინფიცირებულთა საერთო რიცხვმა 324.256-ს მიაღწია.
ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.
ნიკა ლატარია
