თბილისი, 9 მაისი - Sputnik. ქართველი სუმოისტი ლევან გორგაძე, იგივე ტოჩინოშინი იაპონიაში მიმდინარე ნაცუ ბაშოს პირველ საჭიდაო დღეს დამარცხდა.
ლევანი მაისის ბაშოზე მე-7 მაეგაშირას წოდებით ასპარეზობს, მისი მეტოქე კი მე-6 მაეგაშირა იჩინოჯო იყო. ტოჩინოშინმა ბრძოლა კარგად დაიწყო, თუმცა იჩინოჯომ ქართველი დოჰიოდან იორიკირის ილეთით გადაიყვანა.
ლევან გორგაძის მორიგი მეტოქე ხვალ მე-8 მაეგაშირა ცურუგიშო იქნება, რომელიც პირველ ბრძოლაში ტაკარაფუჯისთან დამარცხდა.
