თბილისი, 6 მაისი – Sputnik. სამეგრელო–ზემო სვანეთის რეგიონში კორონავირუსს ერთი ადამიანი ემსხვერპლა, იუწყება „Sputnik-საქართველოს" კორესპონდენტი.
სამეგრელო–ზემო სვანეთში სახელმწიფო რწმუნებულის ადმინისტრაციის ინფორმაციით, გარდაცვლილი პაციენტი რუხის საავადმყოფოში მკურნალობდა.
გასულ დღე-ღამეში რეგიონის მაშტაბით ინფიცირების 121 ახალი შემთხვევა გამოვლინდა. ბოლო 24 საათში გამოჯანმრთელდა 51 პაციენტი. ამჟამად საკარანტინო სივრცეში იმყოფება 11 პირი.
სამეგრელო–ზემო სვანეთში მოქმედ კოვიდ–ცენტრებში ამჟამად 257 პაციენტი მკურნალობს, 18-ის მდგომარეობა მძიმეა.
კერძოდ, რუხის კლინიკაში მკურნალობის კურსს 130 კოვიდ-პაციენტი გადის – 18 პაციენტის მდგომარეობა მძიმეა. ფოთის კლინიკაში იმყოფება 40 კოვიდ-პაციენტი, აბაშის „ევექსის“ კოვიდ–კლინიკაში 22 პაციენტია მოთავსებული, სენაკის „ლაზიკა მედიში“ – 53 პაციენტი, ხოლო სენაკის „სენამედში" – 12.
ნიკა ლატარია
