თბილისი, 30 აპრილი — Sputnik. საზღვრისპირა რაიონებში მომხდარი შეიარაღებული შეტაკებების შემდეგ ყირგიზეთი და ტაჯიკეთი ცეცხლის შეწყვეტისა და ერთობლივი სამუშაო ჯგუფის შექმნაზე შეთანხმდნენ კონფლიქტის დასარეგულირებლად, იუწყება „Sputnik–ტაჯიკეთი“.
ორი ქვეყნის საზღვრისპირა რაიონების მოსახლეობას შორის 28 აპრილს დაწყებული დაპირისპირება 29 აპრილს, დღის მეორე ნახევარში ტაჯიკ და ყირგიზ მესაზღვრეებს შორის შეტაკებაში გადაიზარდა. კონფლიქტის საგანი, რომელიც ექვს საათზე მეტი ხნის განმავლობაში გრძელდებოდა, იყო ტერიტორია, რომელზეც წყალგამანაწილებელი პუნქტი მდებარეობს. შეტაკების შედეგად დაშავდა და დაიჭრა 150-ზე მეტი კაცი და დაიღუპა 20 — ორივე მხრიდან.
გავრცელებული ინფორმაციით, ტაჯიკეთისა და ყირგიზეთის ოფიციალური წარმომადგენლები — სპეცსამსახურებისა და სასაზღვრო უწყებების ხელმძღვანელები და დაპირისპირებული ოლქების გუბერნატორები საომარი მოქმედებების შეწყვეტაზე, ჯარებისა და სამხედრო ტექნიკის საზღვრისპირა უბნებიდან მუდმივი დისლოკაციის ადგილებზე გაყვანასა და მოლაპარაკებათა პროცესის გაგრძელებაზე შეთანხმდნენ.
