თაღლითობა დიდ მასშტაბებში: დაკავებულ პირს პროკურატურამ ბრალი წაუყენა

© photo: Sputnikსაქართველოს პროკურატურა
საქართველოს პროკურატურა - Sputnik საქართველო, 1920, 30.04.2021
გამოწერა
ბრალის დამტკიცების შემთხვევაში დაკავებულს სასჯელის სახით ექვსიდან ცხრა წლამდე ვადით თავისუფლების აღკვეთა ემუქრება.

თბილისი, 30 აპრილი – Sputnik. საქართველოს პროკურატურამ დიდი ოდენობით თაღლითობის ფაქტზე დაკავებულ პირს ბრალდება წარუდგინა, ნათქვამია უწყების მიერ გავრცელებულ განცხადებაში.

დაკავება - Sputnik საქართველო, 1920, 06.02.2021
თაღლითობა ამერიკის ვიზებთან დაკავშირებით: ბრალდებულებს პატიმრობა შეეფარდათ

გამოძიების მიხედვით, 2017 წლის თებერვალში კომპანია „ამერიკან ტრანსი“ დაარსდა, რომელიც ამერიკის შეერთებულ შტატებში რეგისტრირებული კომპანიების მეშვეობით აშშ-ში ავტომობილებს ყიდულობდა და საქართველოში ჩამოჰყავდა.

უწყების ცნობით, 2019 წელს „ამერიკან ტრანსსა“ და მის წარმომადგენელ პირს ამერიკის შეერთებულ შტატებში და საქართველოში რეგისტრირებული სხვადასხვა კომპანიის მიმართ სოლიდური დავალიანება დაუგროვდათ.

„ვინაიდან ვეღარ მიიღებდა ავტომანქანებს, ა.გ.-მ დავალიანების დაფარვის მიზნით, მოტყუებით, თითქოსდა სასურველ ავტომობილებს ჩამოიყვანდა, ნდობის ბოროტად გამოყენებით, ცხრა მოქალაქის კუთვნილ დიდი ოდენობის – 336 772 ლარს თაღლითურად დაეუფლა“, – აღნიშნულია პროკურატურის განცხადებაში.

ბრალდებული სამართალდამცველებმა მიმდინარე წლის 28 აპრილს სასამართლოს განჩინების საფუძველზე დააკავეს.

პროკურატურის შენობა - Sputnik საქართველო, 1920, 19.02.2021
საქართველოს პროკურატურამ საერთაშორისო თაღლითობის საქმე გახსნა

გამოძიება მიმდინარეობს საქართველოს სსკ-ის 180-ე მუხლით (თაღლითობა, ე.ი. მართლსაწინააღმდეგო მისაკუთრების მიზნით სხვისი ნივთის დაუფლება მოტყუებით, ჩადენილი სამსახურებრივი მდგომარეობის გამოყენებით და დიდი ოდენობით).

პროკურატურამ ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით თბილისის საქალაქო სასამართლოს უკვე მიმართა.

სისხლის სამართლის საქმეზე გამოძიება გრძელდება.

ყველა ახალი ამბავი
0