ძლიერი სეტყვა კახეთში: სტიქიამ ყვარელი და ლაგოდეხის სამი სოფელი დააზარალა

© Aspindza City Hallსეტყვა
სეტყვა - Sputnik საქართველო, 1920, 29.04.2021
გამოწერა
ამ ეტაპზე მოსახლეობისთვის მიყენებული ზარალის ოდენობა განსაზღვრული არ არის, ამიტომ უცნობია, თუ რა ტიპის დახმარების გაწევას შეძლებს მუნიციპალიტეტი.

თბილისი, 29 აპრილი - Sputnik. ძლიერმა სეტყვამ ლაგოდეხის მუნიციპალიტეტში სამი სოფელი,  ბაისუბანი, ქვემო მსხალგორი და პატარა გორი დააზარალა, იუწყება „პირველი არხი“.

როგორც ლაგოდეხის მუნიციპალიტეტის მერმა ჯონდო მდივნიშვილმა განაცხადა, რაიონში სტიქიამ ვენახების, საკარმიდამო ნაკვეთების და სასოფლო-სამეურნეო სავარგულების 50-60 პროცენტი გაანადგურა.

წვიმიანი ამინდი - Sputnik საქართველო, 1920, 29.04.2021
კვლავ წვიმა: სინოპტიკოსები უამინდობის შესახებ გვაფრთხილებენ

სეტყვისგან მიყენებული ზარალის ოდენობა ამ ეტაპზე უცნობია. შექმნილ ვითარებას მერიის თანამშრომლები შეისწავლიან.

გარდა ამისა, სტიქიამ  დააზარალა ქალაქი ყვარელი და ყვარლის მუნიციპალიტეტის სოფელი ახალსოფელი.

სინოპტიკოსები საქართველოში უახლოეს დღეებში ღრუბლიან და წვიმიან ამინდს პროგნოზირებენ. გარემოს ეროვნული სააგენტოს ცნობით, მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში თოვლის ზვავების ფორმირება და მეწყრული პროცესების ჩასახვა-გააქტიურება გამოიწვიოს.

ყველა ახალი ამბავი
0