თბილისი, 29 აპრილი - Sputnik. თბილისში 7 წლის ბიჭზე ორმა არასრულწლოვანმა და ერთმა ზრდასრულმა სექსუალურად იძალადეს, იუწყება ტელეკომპანია „რუსთავი 2“.
გავრცელებული ინფორმაციით, შემთხვევა თბილისის ერთ-ერთი ცენტრალური უბნის სკვერში, რამდენიმე დღის წინ მოხდა.
გავრცელებული ინფორმაციით, სავარაუდო სქესობრივი კავშირი მოზარდზე სამმა პირმა მუქარით დაამყარა. სავარაუდო დამნაშავეები მოზარდის უბნელები არიან.
შემთხვევის შესახებ მოზარდმა დედას შეატყობინა, მან კი პოლიციას აცნობა. ჯერჯერობით უცნობია, არიან თუ არა ეჭვმიტანილები დაკავებული.
ასევე ცნობილია, რომ სავარაუდოდ მოძალადეებმა მსხვერპლს ინტიმური ფოტოები გადაუღეს და ამ ფოტოებით აშანტაჟებდნენ.
ფაქტთან დაკავშირებით შსს-ში აღძრულია სისხლის სამართლის საქმე და მიმდინარეობს გამოძიება. შსს-ს ინფორმაციით, სამართალდამცველებმა უკვე გამოკითხეს ის პირები, ვისაც შესაძლოა რაიმე სახის ინფორმაცია ჰქონოდა აღნიშნულ ფაქტთან დაკავშირებით. გარადა ამისა, მიმდებარე ტერიტორიაზე პოლიციამ უკვე ამოიღო ვიდეოჩანაწერები.
