ბერძნულ-რომაული ჭიდაობა: ქართველი ფალავნები ევროპის ჩემპიონატზე ჯერჯერობით უმედლოდ რჩებიან

© AFP 2024 / JACK GUEZიაკობ ქაჯაია
იაკობ ქაჯაია - Sputnik საქართველო, 1920, 25.04.2021
გამოწერა
ევროპის ჩემპიონი გახდა ზურაბ დათუნაშვილი (-87 კგ), რომელიც ამჟამად სერბეთის ნაკრების სახელით ასპარეზობს

თბილისი, 25 აპრილი – Sputnik. ქართველმა ბერძნულ-რომაული სტილით მოჭიდავეებმა ვერცხლის და ბრინჯაოს მედლები აიღეს ევროპის ჩემპიონატზე, რომელიც პოლონეთის დედაქალაქ ვარშავაში იმართება.

ტურნირის მოგება შეეძლო იაკობ ქაჯაიას, მაგრამ 130 კგ-მდე წონითი კატეგორიის ფინალში ქართველმა ფალავანმა თურქ რიზა კაიაალპისთან (Rıza Kayaalp) დამარცხდა (1:3).

გენო პეტრიაშვილი - Sputnik საქართველო, 1920, 22.04.2021
ქართველმა თავისუფალი სტილით მოჭიდავეებმა ევროპის ჩემპიონატზე ხუთი მედალი მოიპოვეს

ევროპის ჩემპიონატის ბრინჯაოს პრიზიორი გახდა ლერი აბულაძე (-63 კგ). მესამე ადგილისთვის ბრძოლაში ქართველმა ფალავანმა რუმინეთის წარმომადგენელ მიხაი მიხუტს (9:1) აჯობა.

აღსანიშნავია, რომ ევროპის ჩემპიონი გახდა ზურაბ დათუნაშვილი (-87 კგ), რომელიც ამჟამად სერბეთის ნაკრების სახელით ასპარეზობს.

კონტინენტური პირველობის დასკვნით დღეს საქართველოს ნაკრებს ევროპის ჩემპიონატის ოქროს მედლის მოპოვების შანსი აქვს. 72 კგ-მდე წონითი კატეგორიის ფინალში შმაგი ბოლქვაძე სომეხ მალხას ამოიანს შეერკინება. გამარჯვების შანსი აქვს ასევე აივენგო რიკაძეს (-82 კგ), რომელიც ჩემპიონატის ბრინჯაოსთვის იბრძოლებს. მისი მეტოქის ვინაობა რეპეშაჟში გაირკვევა.

ყველა ახალი ამბავი
0