თბილისი, 20 აპრილი – Sputnik. ზესტაფონის მუნიციპალიტეტში „ზესტაფონი–თბილისის“ სამგზავრო მატარებელმა არასრულწლოვანი იმსხვერპლა.
შემთხვევა სოფელ აჯამეთთან დაახლოებით ნახევარი საათის წინ მოხდა.
გავრცელებული ინფორმაციით, მოზარდი ლიანდაგზე გადადიოდა, რა დროსაც მატარებელი დაეჯახა. არასრულწლოვანი ადგილზე გარდაიცვალა.
მომხდარ ფაქტზე გამოძიება სსკ-ის 275-ე მუხლის მეოთხე ნაწილით დაიწყო, რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
