„30 წელი არ ვყოფილვარ...“ - „მამულიჩა“ გურიაში ბრუნდება

პროდიუსერი კახა მამულაშვილი გურიაში გაემგზავრა. მან მშობლიური სოფელი მოინახულა და აპირებს სახლს, რომელიც იქ დგას, ახალი სიცოცხლე შესძინოს.

მან სახლის ფოტო გამოაქვეყნა და დაწერა, რომ 30 წელია არ ყოფილა ამ სახლში და აპირებს დაბრუნდეს. მამულიჩას ამ ფოტოს გამოეხმაურა საქართველოს ყოფილი პირველი ლედი, მაკა ჩიჩუა, რომელმაც დაწერა: „ვახ, რაა ისეთი სახლია და ისე ხასხასებს ბალახი, აქ არდაბრუნება იქნება?!“

ლელა და „მამულიჩა“ თუნდაც ნაკლებად პოპულარულ გადაცემას ან რუბრიკას თავისი სტუმრობით პოპულარულს ხდიან. ქართულ ტელესივრცეში ისინი ერთ-ერთი ყველაზე რეიტინგული და პოპულარული წყვილია. ამჟამად ლელას საკუთარი გადაცემა „მხოლოდ ლელასთან“ მიჰყავს. საზოგადოებამ „მთავარი არხის“ ეთერში მისი რამდენიმე გადაცემა უკვე იხილა. აშკარაა, რომ ლელას ახალი პროექტი საკმაოდ რეიტინგული აღმოჩნდა.

ქართველი პოპ-დივა და მისი პროდიუსერი მეუღლე მრავალი წელია ოფიციალურად დაქორწინებული არიან. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს. გოგონამ ფოტოგრაფობა გადაწყვიტა და ახლა გადაცემის ჩაწერისას კადრს მიღმა პოპ-დივასთვის მუშაობს. ლელას და მის მეორე ნახევარს თაყვანისმცემლების არმია ჰყავთ, რომელიც დღითი დღე იზრდება.