რა უამბო ქართველ გამომძიებლებს აზერბაიჯანელმა ჟურნალისტმა: მუხთარლის გატაცების საქმე

© Sputnik / STRINGERაფგან მუხთარლი
აფგან მუხთარლი - Sputnik საქართველო, 1920, 11.04.2021
გამოწერა
ჟურნალისტმა მიაწოდა გამოძიებას სრული ინფორმაცია პირებზე, რომლებიც სპეცოპერაციაში აზერბაიჯანული მხრიდან მონაწილეობდნენ

თბილისი, 11 აპრილი – Sputnik. აზერბაიჯანულმა ჟურნალისტმა აფგან მუხთარლიმ უამბო ქართული მედიის წარმომადგენლებს გენერალურ პროკურატურაში გამოკითხვის შესახებ, რომელიც 2017 წელს თბილისში მის გატაცებას უკავშირდებოდა.

მუხთარლი თბილისის ცენტრში 2017 წლის მაისში გაიტაცეს. საქმეს გენერალური პროკურატურა იძიებს.

საქართველოს მთავარი პროკურატურის შენობა  - Sputnik საქართველო, 1920, 07.04.2021
აზერბაიჯანელი ჟურნალისტი აფგან მუხთარლი საქართველოშია

„საგამოძიებო ორგანოების მხრიდან დასმული ძირითადი კითხვები ეხებოდა ჩემს გატაცებას: რამდენი ადამიანი მონაწილეობდა მასში, რამდენ ხანს ვიყავით გზაში და ა.შ. მე მივაწოდე გამოძიებას სრული ინფორმაცია პირებზე, რომლებიც სპეცოპერაციაში აზერბაიჯანული მხრიდან მონაწილეობდნენ. რაც შეეხება მათ, ვინც ჩართული იყო ქართული მხრიდან, სახელებს ვერ დავასახელებ, მხოლოდ უწყებებს, რომლებიც მონაწილეობდნენ ჩემს გატაცებაში - ესაა საქართველოს შინაგან საქმეთა სამინისტროს კრიმინალური პოლიცია და სასაზღვრო სამსახური“, - განაცხადა მუხთარლიმ.

ამასთან, მან თავის საქმეს პოლიტიკური უწოდა და აღნიშნა, რომ სამართლიანი გამოძიების იმედი არ აქვს.

მუხთარლი თბილისიდან 2017 წლის მაისის ბოლოს გაუჩინარდა. მოგვიანებით გაირკვა, რომ ის ბაქოში პატიმრობაში იმყოფებოდა, ბრალად ედებოდა საზღვრის უკანონო გადაკვეთა, ფულის კონტრაბანდა და პოლიციის თანამშრომლისთვის წინააღმდეგობის გაწევა. 2018 წლის იანვარში აზერბაიჯანულმა სასამართლომ მას 6 წლით თავისუფლების აღკვეთა მიუსაჯა.

აფგან მუხთარლი - Sputnik საქართველო, 1920, 08.04.2021
საქართველოს გენპროკურატურამ და აფგან მუხთარლიმ საერთო ენა ვერ გამონახეს

თავად მუხთარლი გატაცებაში ქართველ ძალოვანებს ადანაშაულებს. საქართველოს ხელისუფლება 2017 წელს კატეგორიულად უარყოფდა საქმესთან კავშირს, მაგრამ გატაცების შემდეგ თანამდებობიდან მოხსნეს შსს-ს სასაზღვრო პოლიციის უფროსი დათო ნიკოლეიშვილი და სახელმწიფო უსაფრთხოების სამსახურის კონტრდაზვერვის დეპარტამენტის დირექტორი ოთარ კუპრეიშვილი.

მას შემდეგ, რაც ოჯახმა განაცხადა, რომ მუხთარლი მოიტაცეს, ფული ჩაუდეს და ფარულად გაიყვანეს აზერბაიჯანში, საქართველოს შსს-მ აღძრა სისხლის სამართლის საქმე თავისუფლების უკანონოდ აღკვეთის მუხლით.

მუხთარლი 2020 წლის მარტში გათავისუფლდა და ბაქოდან მაშინვე გერმანიაში გაფრინდა. 2020 წლის ოქტომბრის შემდეგ რამდენჯერმე სცადა თბილისში ჩამოსვლა გამოძიებისთვის ჩვენების მისაცემად, თუმცა, მისი თქმით, პრობლემებს საქართველოს ხელისუფლება უქმნიდა.

მუხთარლის საქმეზე გამოძიება საქართველოს სისხლის სამართლის კოდექსის 143-ე მუხლის პირველი ნაწილით მიმდინარეობს, რაც თავისუფლების უკანონოდ აღკვეთას გულისხმობს და ორიდან ოთხ წლამდე პატიმრობით ისჯება.

ყველა ახალი ამბავი
0