საქართველომ მოსკოვში ევროპის ჩემპიონატზე ძალოსნობაში წარუმატებელი სტარტი აიღო

© photo: Sputnik / Alexey Filippov / გადასვლა მედიაბანკშიევროპის ჩემპიონატზე ძალოსნობაში
ევროპის ჩემპიონატზე ძალოსნობაში - Sputnik საქართველო, 1920, 04.04.2021
გამოწერა
დღეს ფიცარნაგზე გამოვა საქართველოს ნაკრების კიდევ ორი წარმომადგენელი - ორივე 61 კილოგრამამდე წონით კატეგორიაში

თბილისი, 4 აპრილი – Sputnik. საქართველოს ნაკრების ძალოსნებმა წარუმატებლად დაიწყეს ასპარეზობა ევროპის ჩემპიონატზე ძალოსნობაში, რომელიც მოსკოვში მიმდინარეობს.

55 კილოგრამამდე წონით კატეგორიაში გამართულ შეჯიბრებაში გიორგი დოკვაძემ ექვსიდან მხოლოდ ორი მცდელობა განახორციელა და А ჯგუფში ბოლოსწინა, მეშვიდე ადგილი დაიკავა.

ლაშა ტალახაძე - Sputnik საქართველო, 1920, 30.03.2020
მსოფლიოს უძლიერესი ძალოსანი თვითიზოლაციაში ვარჯიშს განაგრძობს

პირველ მცდელობაზე ატაცში დოკვაძემ 105 კგ-იანი შტანგა აწია, მაგრამ ორი შემდგომი მისვლა (108 და 109 კგ) წარუმატებელი აღმოჩნდა. ანალოგიური სიტუაცია აკვრაშიც მოხდა. ის გაუმკლავდა 124 კგ წონას, მაგრამ 129 კგ-იანი შტანგა ქართველ სპორტსმენს არ დაემორჩილა.

ამ წონით კატეგორიაში ევროპის ჩემპიონი გახდა ანგელ რუსევი ბულგარეთიდან, რომელმაც ჯამში 259 კგ დააგროვა (111 კგ ატაცში და 147კგ - აკვრაში).

დღესვე ფიცარნაგზე გამოვა საქართველოს ნაკრების კიდევ ორი წარმომადგენელი. შოთა მიშველიძე და რამინ შამილიშვილი თავის ძალებს მოსინჯავენ 61 კგ-მდე წონით კატეგორიაში.

ევროპის ჩემპიონატზე ძალოსნობაში საქართველოს ნაკრები 12 სპორტსმენით არის წარმოდგენილი. ტურნირში მონაწილეობს ოლიმპიური ჩემპიონი, მსოფლიოს და ევროპის ოთხგზის ჩემპიონი, მსოფლიო მრავალგზის რეკორდსმენი  - ლაშა ტალახაძე.

ყველა ახალი ამბავი
0