თბილისი, 4 აპრილი – Sputnik. COVAX-პლატფორმით გაგზავნილი ტვირთი Vaxzevria-ს ვაქცინით ბაქოს საერთაშორისო აეროპორტში კვირას, 4 აპრილს მიიღეს, იუწყება Sputnik-აზერბაიჯანი.
პრეპარატ Vaxzevria-ს პირველი პარტია, რომელიც მანამდე AstraZeneca-ს დასახელებით იწარმოებოდა, 84 ათას დოზას მოიცავს და სამხრეთ კორეიდან გაიგზავნა.
აღნიშნული ვაქცინის მეორე პარტია - 432 ათასი დოზა ქვეყანაში მაისის ბოლოს შევა.
ასევე, რვა კვირის განმავლობაში აზერბაიჯანში COVAX-პლატფორმის ხაზით უნდა გაიგზავნოს Pfizer-BioNTech-ს ვაქცინის 218.790 დოზა.
გარდა ამისა, ცნობილია, რომ უახლოეს დროს აზერბაიჯანში ჩინეთიდან კომპანია Sinovac-ის ვაქცინა CoronaVac-ის კიდევ 150 ათასი დოზის იმპორტი განხორციელდება.
