თბილისი, 3 აპრილი – Sputnik. ქობულეთში, სოფელ ოჩხამურთან, ე.წ. აგურის ქარხნის დასახლების მიმდებარედ ეკალბარდი იწვის, იუწყება „პირველი არხი“.
ხანძარს რამდენიმე სახანძრო ბრიგადა ებრძვის.
ადგილზე იმყოფება ქობულეთის მერი მირიან ქათამაძე. მისი ინფორმაციით, ხანძარი დაახლოებით სამ ჰექტარზეა გავრცელებული და ის არ უქმნის საფრთხეს არც ტყის მასივს, არც დასახლებულ პუნქტებს.
„ძირითადად ეკალბარდი იწვის. წინასწარი გათვლით ეს არის სამი ჰექტარი. ხანძართან ახლოს არ არის დასახლებული პუნქტი. ადგილზე რამდენიმე სახანძრო ბრიგადა მუშაობს და ვცდილობთ ლიკვიდაციას“, – განაცხადა მირიან ქათამაძემ.
ხანძრის შედეგად არავინ არ დაშავებულა.
