რა ვითარებაა საქართველოს გზებზე: ბოლო ინფორმაცია

© photo: Sputnikთოვლი გზებზე
თოვლი გზებზე - Sputnik საქართველო, 1920, 02.04.2021
გამოწერა
რთული მეტეოროლოგიური პირობების გამო საქართველოს გზებზე გაწმენდითი სამუშაოები ინტენსიურად მიმდინარეობს.

თბილისი, 2 აპრილი – Sputnik. უამინდობის გამო საქართველოს საავტომობილო გზების ცალკეულ მონაკვეთბზე შეზღუდვები დაწესდა, ნათქვამია საავტომობილო გზების დეპარტამენტის განცხადებაში. 

ძველი თბილისი - Sputnik საქართველო, 1920, 02.04.2021
ამინდის ზუსტი პროგნოზი თბილისში 4 აპრილს

ინტენსიური თოვის გამო ნაქერალას უღელტეხილზე სატვირთო ავტომობილების მოძრაობა შეიზღუდა. შიდასახელმწიფოებრივი მნიშვნელობის ქუთაისი(მოწამეთა)–ტყიბული–ამბროლაურის 39-62 კმ მონაკვეთზე აკრძალულია მისაბმელიანი და ნახევარმისაბმელიანი ავტოტრანსპორტის მოძრაობა. მოძრაობა თავისუფალია გზის დანარჩენ მონაკვეთებზე.

მისაბმელიანი და ნახევარმისაბმელიანი ტრანსპორტის მოძრაობა ასევე აკრძალულია საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე. დანარჩენი ტრანსპორტის მოძრაობა თავისუფალია.

გარემოს დაცვის ეროვნული სააგენტოს ინფორმაციით, მლეთა–გუდაურის და გუდაური(ფოსტა)–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში. ამასთან, გუდაური(ფოსტა)–კობის მონაკვეთზე ავტოტრანსპორტის მოძრაობა განხორციელდება მხოლოდ ზვავდამცავი გვირაბების გავლით.

მცხეთა–სტეფანწმინდა–ლარსის ტრასა რუსეთისკენ მიმავალი ერთადერთი მოქმედი საავტომობილო გზაა.

ყველა ახალი ამბავი
0