ქართული ტელეარხები აზერბაიჯანული თანამგზავრით იმაუწყებლებენ

© photo : photo: courtesy of Azərkosmosთანამგზავრი Azerspace-2
თანამგზავრი Azerspace-2 - Sputnik საქართველო, 1920, 02.04.2021
გამოწერა
НовостиTelegram
აზერბაიჯანული თანამგზავრული ოპერატორი Azercosmos მაუწყებლობის ქართულ ბაზარზე ლიდერობას უკვე ექვს წელზე მეტია, ინარჩუნებს

თბილისი, 2 აპრილი - Sputnik. ქართული ტელეარხები „რუსთავი 2“, Comedy TV და Marao TV, რომლებიც ქართულ კომპანია „მედია ჰოლდინგში“ შედიან, კომერციულ მაუწყებლობას Azerspace-1–ის მეშვეობით დაიწყებენ, იუწყება Sputnik–აზერბაიჯანი.

შესაბამის ხელშეკრულებას პარტნიორობის შესახებ ხელი მოეწერა Azercosmos–სა და ქართულ კომპანია „მედია ჰოლდინგს“ შორის.

ეს არხები საზოგადოებრივ, ეკონომიკურ, ანალიტიკურ და კულტურულ პროგრამებს გადასცემენ ქართულ ენაზე. Azercosmos–სთან „მედია ჰოლდინგის“ თანამშრომლობის წყალობით ქართველი მაყურებელი სატელევიზიო არხების ყურებას თანამგზავრი Azerspace-1–ის წყალობით შეძლებენ, აღნიშნულია Azercosmos–ის განცხადებაში.

ნიკა გვარამია - Sputnik საქართველო, 1920, 17.08.2019
ნიკა გვარამია ახალი ტელეკომპანიის დირექტორი და საკონტროლო პაკეტის მფლობელი გახდა

შეთანხმებაზე ხელმოწერის ცერემონიაზე სიტყვით გამოსვლისას „მედია ჰოლდინგის“ ხელმძღვანელმა ზაზა გველესიანმა განაცხადა, რომ ძალიან მოხარულია ამ შეთანხმების გამო, ამ თანამშრომლობის მეშვეობით ქართული არხები ხელმისაწვდომი იქნება ქვეყნის ყველა კუთხეში, ასევე სხვა სახელმწიფოებში მცხოვრები საქართველოს მოქალაქეებისთვის.

Azercosmos–ის რეგიონულმა დირექტორმა იოლჩუ ჰასანოვმა, თავის მხრივ, აღნიშნა, რომ აზერბაიჯანული თანამგზავრული ოპერატორი, უკვე ექვს წელზე მეტია, ინარჩუნებს ლიდერის პოზიციებს მაუწყებლობის ქართულ ბაზარზე. მან იმედი გამოთქვა, რომ ეს თანამშრომლობა მომავალშიც გაგრძელდება.

Azercosmos–ი წამყვანი თანამგზავრული ოპერატორია სამხრეთ კავკასიაში. Azerspace-1 – სატელეკომუნიკაციო თანამგზავრი, რომელსაც Azercosmos–ი მართავს, თავის კლიენტებს ევროპაში, აფრიკაში, ახლო აღმოსავლეთში, კავკასიასა და ცენტრალურ აზიაში საიმედო და ფართოსამაუწყებლო გადაწყვეტილებებს სთავაზობს. თანამგზავრი ორბიტაზე 2013 წლის თებერვალში გაუშვეს.

ყველა ახალი ამბავი
0