სამაშველო გუნდებმა მეჩეჩიდან მოხსნეს კონტეინერმზიდი Ever Given, რომელიც თითქმის ერთი კვირის განმავლობაში ბლოკავდა მოძრაობას ერთ-ერთ მთავარ სატრანსპორტო არტერიაში.
კონტეინერმზირი Ever Given, რომლის სიგრძეც 400 მეტრია, 24 მარტს მეჩეჩზე შეჯდა და მოძრაობა მთლიანად გადაკეტა მსოფლიო სავაჭრო გზაზე.
სუეცის არხი – ერთ-ერთი ყველაზე დატვირთული საზღვაო გზაა მსოფლიოში, რომლის სიგრძეც 160 კილომეტრია, სიგანე – დაახლოებით 250 მეტრი, სიღრმე – 20 მეტრამდე.
კონტეინერმზიდი Ever Given ჩინეთიდან ნიდერლანდებისკენ მიემართებოდა, როდესაც არხის 151-ე კილომეტრზე მეჩეჩზე შეჯდა და არხი გადაკეტა
ხომალდის მეჩეჩიდან ჩამოსმის ყველა მცდელობა წარუმატებელი აღმოჩნდა, თუმცა ამჯერად მისი გამოყვანა მოხერხდა
Ever Given-ის გამოყვანაში დიდი როლი ითამაშა სავსე მთვარემ, რამაც დიდი მოქცევა გამოიწვია
სწორედ ეს გათვლა ჰქონდათ სპეციალისტებს
ოპერაციაში 10 მძლავრი გამწევი ხომალდი მონაწილეობდა
ჯერ-ჯერობით გაურკვეველია, როდის აღდგება მოძრაობა არხში
ახლა რიგში 450-ზე მეტი გემი დგას
სუეცის არხი ერთ-ერთი ყველაზე დატვირთული საზღვაო სავაჭრო გზა არის მსოფლიოში
2019 წელს არხი გაიარა დაახლოებით 19 ათასმა ხომალდმა და 1,25 მილიარდმა ტონა ტვირთმა, რაც მსოლფიო ვაჭრობის 13%-ს შეადგენს
სუეცის არხში არსებულმა პრობლემებმა უკვე გამოიწვია ნავთობზე ფასის ზრდა
პარასკევს ნავთობზე მსოფლიო ფასების ზრდა დაჩქარდა ნედლეულის მიწოდების პრობლემის გამო
არხის დაბლოკვა მსოფლიო ეკონომიკას დაახლოებით 10 მილიარდი დოლარი უჯდებოდა დღეში
