თბილისი, 29 მარტი - Sputnik. დადგენილია მამაკაცის ვინაობა, რომელსაც რამდენიმე დღის წინ მოსკოვში, მეტროსადგურ „დმიტროვსკაიაში“, მატარებელმა გადაუარა. როგორც გაზეთი „კომსომოლსკაია პრავდა“ სამართალდამცავ ორგანოებზე დაყრდნობით იუწყება, ის აღმოჩნდა მსხვილი ბიზნესმენი, 72 წლის მილიონერი ვალერი ბაღდასაროვი. იუწყება Sputnik-სომხეთი.
ინციდენტი, რომლის კადრებიც სოციალურ ქსელს მოედო, 21 მარტს მოხდა. მამაკაცი ადგილზე გარდაიცვალა. როგორც ჩანს, ბაღდასაროვმა თავი მოიკლა. როგორც ამბობენ, მას დიდი ხნის განმავლობაში მეტროთი არ უსარგებლია. ვიდეორეგისტრატორის ჩანაწერშიც ჩანს, რომ იგი თავად ხტება რელსებზე. მომხდარი შემთხვევითობას არ ჰგავს.
„როდესაც საგანგებო სამსახურის თანამშრომლებმა მოახერხეს მატარებლის ქვეშ შეძრომა, მათ 72 წლის ბიზნესმენის, ვალერი ბაღდასაროვის ცხედარი აღმოაჩინეს. მატარებელმა მამაკაცს თავი წააცალა. მას გადარჩენის შანსი არ ჰქონია“, - წერს გაზეთი.
გამოძიებამ უნდა გაარკვიოს ინციდენტის ყველა გარემოება: კერძოდ, რატომ გადაწყვიტა ბაღდასაროვმა მეტროსადგურში ჩასვლა და მატარებლის ქვეშ ჩავარდნა.
ვალერი ბაღდასაროვი სამრეწველო ჯგუფის, „ალსიკოს“ დამფუძნებელი და დირექტორთა საბჭოს თავმჯდომარე იყო. მასში შემავალი კომპანიები ამზადებენ პესტიციდებს და სასუქს, რომელიც იყიდება როგორც რუსეთში, ისე მის საზღვრებს გარეთ.
