თბილისი, 26 მარტი – Sputnik. ევროკავშირის ელჩმა საქართველოში კარლ ჰარცელმა ხაშურულ ნაზუქსა და სურამის ჯანსაღ ჰაერს სოციალურ ქსელში პოსტი მიუძღვნა.
ჰარცელმა twitter-ზე ხაშურსა და სურამში გადაღებული რამდენიმე ფოტო გამოაქვეყნა და შეაბამისი კომენტარიც დაურთო.
Didi madloba Khashuri and Surami! A special place to discover in Georgia. Splendid view of Surami Fortress ✅ healthy iron water ✅ & delicious Nazuqi ✅ pic.twitter.com/oDxmy94PS1
— Carl Hartzell (@CarlHartzellEU) March 26, 2021
„დიდი მადლობა ხაშურსა და სურამს. ეს საქართველოში აღმოსაჩენი განსაკუთრებული ადგილია. დიდებული ხედი სურამის ციხეზე, სასარგებლო რკინის წყალი და გემრიელი ნაზუქი“, — წერს ევროკავშირის ელჩი.
აღსანიშნავია, რომ ჰარცელის ტვიტში პირველი ორი სამადლობელი სიტყვა ქართულად, ოღონდ ლათინური ასოებით წერია.
ტვიტი რამდენიმე საათის წინ გამოქვეყნდა, თუმცა უკვე დაიმსახურა 100-ზე მეტი მოწონება და კომენტარები. ერთ-ერთი მომხმარებელი ხუმრობით მიმართავს ელჩს, აქეთ თუ იყავი, რატომ არ შემეხმიანეო.
