მომღერალი ნატალია ქუთათელაძე სექტემბერში პირველად გახდება დედა. ინფორმაცია მისმა ასევე მომღერალმა დედამ ეკა მამალაძემ რადიო „ფორტუნას“ ეთერში გაამხილა. მომღერლის თქმით, ნატალიას ორსულობამ ოჯახი ძალიან გააბედნიერა.
View this post on Instagram
ნატალია ქუთათელაძის მეუღლე აჩიკო ჯაფარიძეა. წყვილი ცალკე ცხოვრობს. წყვილი 2017 წელს საიდუმლოდ დაქორწინდა და მხოლოდ ერთი წლის შემდეგ გაამხილეს, რომ ისინი ერთად ცხოვრობდნენ.
View this post on Instagram
ნატალია ქუთათელაძე ცნობილი მომღერლის, ეკა მამალაძის ქალიშვილი და ლეგენდარული ნანი ბრეგვაძის შვილიშვილია. ოჯახური ტრადიციის მიუხედავად, ნატალიამ უარი თქვა ესტრადაზე და კლასიკური მუსიკა აირჩია. მან თბილისის კონსერვატორია დაამთავრა, შემდეგ კი ვოკალური ხელოვნების შესწავლა გააგრძელა აშშ-ში, სადაც ერთი წლის შემდეგ მაგისტრის ხარისხი მოიპოვა.
2020 წელს ნატალიამ საპრიზო ადგილი მოიპოვა ცნობილი ოპერის მომღერლის, ფრანსისკო ვინიასის სახელობის 57-ე საერთაშორისო ვოკალურ კონკურსზე, რომელიც ბარსელონაში ლისეოს დიდ თეატრში იმართება.
