დედაქალაქის მერმა თსუ-ს მაღლივ კორპუსთან დამაკავშირებელ საბაგიროზე ისაუბრა
„სამუშაოები ეკონომიკის სამინისტრომ განახორციელა. ეს არის 320 მეტრი სიგრძის საბაგირო გზა და იგი ახლა გადმოეცემა თბილისის მერიას. პარალელურად, მიმდინარეობს ტექნიკური შემოწმება, უსაფრთხოების სისტემების გამართვა, სარევიზიო სამუშაოები. ამ სამუშაოების დასრულების შემდგომ, 20 აპრილიდან საბაგირო ამუშავდება და მსურველებს მოემსახურება“, - განაცხადა კახა კალაძემ.
გავრცელებული ინფორმაციით, საბაგიროს მეშვეობით "მაღლივი-ბაგების" მიმართულებით გადაადგილებას დაახლოებით, 3 წუთი დასჭირდება.
