თბილისი, 24 მარტი – Sputnik. საქართველოში 2020 წელს მშპ-ის (მთლიანი შიდა პროდუქტი) შემცირებამ 6,2% შეადგინა, იუწყება საქართველოს სტატისტიკის ეროვნული სამსახური „საქსტატი“.
წინასწარი მონაცემებით, ეკონომიკის ვარდნა გასულ წელს 6,1%-ს შეადგენდა.
დაზუსტებული მონაცემებით, მიმდინარე ფასებში 2020 წელს მშპ-ის მოცულობამ 15,9 მლრდ დოლარი შეადგინა. აღნიშნულ პერიოდში დეფლატორმა 6,9% შეადგინა. მშპ ერთ სულ მოსახლეზე გასულ წელს 4.275,5 დოლარს შეადგენდა (2019 წელს – 4.696,2 დოლარს).
საქართველოში მშპ-ის ზრდამ 2020 წლის პირველ კვარტალში, 2019 წლის ანალოგიურ პერიოდთან შედარებით, შეადგინა 2,3%, მეორე კვარტალში შემცირებამ – 13,2%, მესამე კვარტალში – -5,6%, ხოლო მეოთხეში – -6,8%.
სფეროები – ლიდერები ზრდის მიხედვით
ყველაზე მეტი შემცირება 2020 წელს აჩვენა სასტუმრო ბიზნესის, ადმინისტრაციული საქმიანობის, ასევე ტრანსპორტის სფეროებმა.
ეკონომიკის სფეროების ტოპ-5 2020 წელს ყველაზე დიდი ვარდნით
| ეკონომიკის სფერო | ვარდნა % |
| სასტუმრო ბიზნესი | 37,9 |
| ადმინისტრაციული საქმიანობა | 37,9 |
| ტრანსპორტი | 22,3 |
| დასვენება და გართობა | 18,9 |
| სამეცნიერო და ტექნიკური საქმიანობა | 18,4 |
ყველაზე დიდი ზრდა დაფიქსირდა ჯანდაცვის (7,9%), სოფლის მეურნეობის (3,6%) და განათლების (3,1%) სფეროებში.
მშპ-ის სტრუქტურაში ყველაზე დიდი ხვედრითი წონა აქვს ვაჭრობას, უძრავ ქონებასთან დაკავშირებულ ოპერაციებს, გადამამუშავებელ მრეწველობას და მშენებლობას.
ეკონომიკის სფეროების ტოპ-5 2020 წელს მშპ-ის სტრუქტურაში ყველაზე მაღალი ხვედრითი წონით
| ეკონომიკის სფერო | ხვედრითი წონა მშპ-ში % |
| ვაჭრობა | 14,5 |
| უძრავ ქონებასთან დაკავშირებული ოპერაციები | 11,7 |
| გადამამუშავებელი მრეწველობა | 10,8 |
| მშენებლობა | 8,9 |
| სოფლის მეურნეობა | 8,4 |
