Праздничное оформление - Sputnik საქართველო, 1920
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

ვინ არის თამთა გოდუაძის ყოფილი მეუღლე, რომელზეც 16 წლის ასაკში გათხოვდა - ფოტოები

© Photo: Tamta / FBთამთა გოდუაძე
თამთა გოდუაძე - Sputnik საქართველო, 1920, 20.03.2021
გამოწერა
თამთა გოდუაძე წლებია, საბერძნეთში მოღვაწეობს და იქაური შოუ-ბიზნესის გამორჩეული ვარსკვლავია. ქართველების უმეტესობამ მის შესახებ რამდენიმე თვის წინ გაიგო, როცა „რუსთავი 2“-ის მოწვევით, „იქს ფაქტორის“ ჟიურის წევრი გახდა

როგორც ცნობილია, თამთა წლების წინ დედასა და პატარა შვილთან ერთად საბერძნეთში წავიდა ემიგრაციაში. დედამისი დარეჯან ბუცხრიკიძე მუხლჩაუხრელად შრომობდა, რომ მის ოჯახს არაფერი მოკლებოდა და თამთას წარმატებული კარიერა აეწყო.

„ხან ძიძად მუშაობდა, ხან მოახლედ, ხან დამლაგებლად - ყველაფერს აკეთებდა, რომ ჩვენ არაფერი მოგვკლებოდა და მე ჩემი მიზნისთვის მიმეღწია - მომღერალი გავმხდარიყავი. ხანდახან მეც ვეხმარებოდი. მხოლოდ დედაჩემი არ იყო ასე, პოსტსაბჭოთა ქვეყნებიდან ძალიან ბევრი ქალის ბედი განვითარდა ასე“, - აცხადებს თამთა ერთ-ერთ ინტერვიუში.

დღეს უკვე მომღერალი თამთა გოდუაძე ერთ-ერთ ყველაზე პოპულარულ პერსონად ითვლება საქართველოში და ქართველ ხალხსაც ბევრი რამ აინტერესებს მის შესახებ. განსაკუთრებით ხალხის დაინტერესება ეხება მის პირად ცხოვრებას.

მის შვილზე უკვე იცის საზოგადოების ნაწილმა და თუ ეს ასე არ არის, მაინც შეგახსენებთ, რომ თამთას ყავს 24 წლის ქალიშვილი ანა. თამთას ყოფილ ქმარზე, კი ბევრი არაფერია ცნობილი. ის ბიზნესმენი შმაგი ხაჭვანია. ერთ-ერთ ინტერვიუში შმაგი ამბობდა, რომ თამთა 14 წლის იყო, თვითონ კი 16 წლის როდესაც ერთმანეთი გაიცნეს. ექვსთვიანი შეყვარებულობის შემდგომ ისინი გაიპარნენ და ექვსი წელი ცხოვრობდნენ ერთად.

როგორც აღმოჩნდა, თამთა ოჯახის დანგრევის შემდეგ წავიდა საბერძნეთში დედასთან და თავის პატარა გოგონასთან ერთად. დღეს შმაგის და ანის კარგი ურთიერთობა აქვთ. როგორც თავად თამთას მეუღლე ამბობს, საქართველოში 2-3 კვირით რჩება ხოლმე მამასთან დასასვენებლად.

თავად თამთასთან შმაგის არანაირი ურთიერთობა არ აქვს. მათ მხოლოდ ბავშვი აკავშირებთ ერთმანეთთან. მითუმეტეს, რომ თამთას ყოფილ მეუღლეს უკვე ცოლ-შვილი ყავს და ძალიან ამაყობს თავისი ახალი ოჯახით. თამთას კი წარმატებებს და ყველაფერ საუკეთესოს უსურვებს ცხოვრებაში.

 

მასალა განახლებულია. პირველადი ვერსია გამოქვეყნდა 2019 წლის 11 ნოემბერს

ყველა ახალი ამბავი
0