თბილისი, 19 მარტი – Sputnik. ხიმკიში (მოსკოვის ოლქი) აფეთქება მოხდა, დაიღუპა ერთი ადამიანი, იუწყება РИА Новости საგანგებო სამსახურზე დაყრდნობით.
ინციდენტი ცხრასართულიან კორპუსში მოხდა. წინასწარი ინფორმაციით, აფეთქების მიზეზი გაზის გაჟონვა გახდა.
როგორც სააგენტოს საგანგებო სიტუაციების სამინისტროში განუცხადეს, ბინაში ჩამოინგრა ოთახების გამყოფი კედლები, რომლის ნანგრევებში, შესაძლოა, ორი ბავშვი იმყოფებოდეს.
მოგვიანებით ცნობილი გახდა, რომ ნანგრევებიდან ერთი ბავშვი ამოიყვანეს. ხანძარი ლოკალიზებულია.
პროკურატურამ უკვე დაიწყო საქმის შესწავლა.
