გიორგი გასვიანის მეუღლე 19 წლის გახდა – ნახეთ როგორ აღნიშნა წყვილმა იუბილე – ფოტოები

მსა­ხი­ობი და ტე­ლე­წამ­ყვანი გი­ორ­გი გას­ვი­ა­ნი და მისი რჩეული მარიტა მელიქიშვილი მუდმივად საზოგადოების ყურადღების ცენტრში არიან. შეიძლება ითქვას, რომ მათ ერთად გამოჩენისთანავე დაიპყრეს ადამიანების გულები და ამიტომაც უამრავი გულშემატკივარი ჰყავთ.

ამბობენ, რომ წყვილი უზომოდ უხდება ერთმანეთს და გიორგის არჩევანს უწონებენ. მშვენიერი მარიტა იუბილარია, რის შესახებაც „ინსტაგრამის“ მეშვეობით გავიგეთ. გოგონამ უამრავი მილოცვა მიიღო. მათ შორის ერთ-ერთი პირველი გიორგის და მარიტას ახლო მეგობარი, მომღერალი ანრი ჯოხაძე იყო.

„გილოცავ დაბადების დღეს ჩემო სიყვარულო“, – დაუწერა გიორგიმ საყვარელ მეუღლეს. მარიტას ნაზი მოვარდისფრო კაბა ძალიან უხდებოდა. წყვილს შორის 16-წლიანი სხვაობაა, თუმცა, როგორც თავად ერთ-ერთ ინტერვიუში აღნიშნეს, ამის გამო პრობლემა არ შექმნიათ.

ფაქტია, რომ წყვილი ერთმანეთზე ყურებამდეა შეყვარებული. ლამაზი დეკორაციები, ფერადი ბუშტები და სადა, გვირილებით გაფორმებული თეთრი ტორტი – მშვენიერი გადაწყვეტილებაა. ბედნიერმა მარიტამ სიყვარულით სავსე პოსტი გამოაქვეყნა, რომელსაც შემდეგი სიტყვები დაურთო: „არც კი იცი, როგორი ლამაზი და ფერადია ცხოვრება შენთან ერთად“.

ტელეწამყვანმა და მსახიობმა გიორგი გასვიანმა და მისმა რჩეულმა მარიტა მელიქიშვილმა ჯვარი ახლახან, 23 იანვარს დაიწერეს და ქორწილიც გადაიხადეს, რომელსაც ქართული ბომონდის თითქმის მთელი შემადგენლობა ესწრებოდა.