თბილისი, 19 მარტი – Sputnik. ევროკავშირის ქვეყნებში კორონავირუსის მესამე ტალღა დაიწყო, განაცხადა ევროკომისიის ოფიციალურმა წარმომადგენელმა დანა სპინანტმა ბრიფინგზე. ინფორმაციას РИА Новости ავრცელებს.
„ჩვენ მესამე ტალღას ვხედავთ, რომელიც ევროკავშირის ქვეყნებში ეტაპობრივად, ზოგან კი სწრაფად ვრცელდება“, – განაცხადა სპინანტმა.
მისი განმარტებით, სხვადასხვა სახელმწიფოებში ვირუსის გავრცელების ტემპები განსხვავებულია, მან მთავრობებს ვაქცინაციის პროცესის დაჩქარებისკენ მოუწოდა.
მსოფლიოში კორონავირუსით ინფიცირებულთა საერთო რაოდენობამ 121 მლნ ადამიანს გადააჭარბა – გარდაიცვალა 2,7 მლნ ადამიანი.
