ცერცვაძე: ნუ განიხილავთ ვაქცინას პირბადეების ალტერნატივად
„შეიძლება შემობრუნდეს ეს ინფექცია, მოიმატოს ინფიცირებულთა რაოდენობამ, ისევ გამკაცრდეს რეგულაციები, ისევ გაგვიჭირდეს ეკონომიკურად და გაგვიჭირდეს ცხოვრება. ამიტომ კვლავ უნდა ვატაროთ პირბადეები. ნუ განიხილავთ ვაქცინას პირბადის ალტერნატივად რამდენიმე თვე, ვაქცინას იკეთებთ თუ არა, პირბადე მაინც უნდა ვატაროთ", – ამბობს თენგიზ ცერცვაძე.
საქართველოში დღეს კორონავირუსის საწინააღმდეგო ვაქცინაციის პირველი ეტაპი დაიწყო. პირველ ეტაპზე ვაქცინაცია მხოლოდ მედპერსონალს ჩაუტარდება და იგი ნებაყოფლობითი იქნება. ვაქცინაციას სამედიცინო პერსონალის 54 ათასი წარმომადგენელი ექვემდებარება.
