თბილისი, 14 მარტი - Sputnik. საფრანგეთის სამართალდამცავმა ორგანოებმა დააკავეს ორი მოზარდი, რომლებიც ქვეყნის ტერიტორიაზე ტერაქტებს გეგმავდნენ, იუწყება Sputnik-სომხეთი.
როგორც გამოცემა Le Parisien საფრანგეთის სამართალდამცველ ორგანოებში არსებულ წყაროებზე დაყრდნობით იუწყება, დაკავებულები 17 და 18 მოზარდები არიან. ერთ-ერთი Telegram-არხის მომხმარებელია, სადაც რადიკალური იდეები ისმოდა. მეორე დაკავებული ჯიჰადისტებს სოციალურ ქსელებში უკავშირდებოდა.
დაკავების ოპერაცია საფრანგეთის შინაგანი უშიშროების მთავარი სამმართველოს თანამშრომლებმა ჩაატარეს.
ორივე მოზარდს ბრალი წაუყენეს ტერორიზმის მიზნით კრიმინალური საზოგადოების ორგანიზებაში.
