თბილისი, 13 მარტი – Sputnik. თბილისში მაღალსართულიანი კორპუსის მე-16 სართულიდან ახალგაზრდა მამაკაცი გადმოვარდა და ადგილზევე გარდაიცვალა, იუწყება ტელეკომპანია „რუსთავი 2“.
შემთხვევა დღეს, თამარაშვილის ქუჩაზე მოხდა.
ჯერჯერობით უცნობია, რა გახდა უბედური შემთხვევის მიზეზი.
შინაგან საქმეთა სამინისტრომ საქმეზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
