ლაგოდეხში 10 წლის გოგონას გაუპატიურების ბრალდებით 30 წლის მამაკაცი დააკავეს

© photo: Sputnik / Stringerდაკავება
დაკავება - Sputnik საქართველო, 1920, 21.02.2021
გამოწერა
გამოძიებამ დაადგინა, რომ ბრალდებული სისტემატურად ახორციელებდა ფსიქოლოგიურ ძალადობას მეუღლის მიმართ და მას დანით ემუქრებოდა

თბილისი, 21 თებერვალი — Sputnik. ლაგოდეხში დაკავებულია 30 წლის მამაკაცი, რომელსაც ბრალად ედება ოჯახის წევრების მიმართ ძალადობა და მუქარა, ასევე არასრუწლოვნის გაუპატიურება, ნათქვამია შსს-ს ვებგვერდზე გავრცელებულ განცხადებაში.

ციხის საკანი - Sputnik საქართველო, 1920, 16.02.2021
ქობულეთის მუნიციპალიტეტში გარდაცვლილი გოგონას ბაბუას ბრალი წარედგინა

გამოძიებით დადგინდა, რომ ბრალდებული, არასრულწლოვანი შვილების თანდასწრებით, მეუღლის მიმართ სისტემატურად ახორციელებდა ფსიქოლოგიურ ძალადობას და დანის დემონსტრირებით სიცოცხლის მოსპობით დაემუქრა მას. ის არასრულწლოვან შვილებზეც ძალადობდა.

გამოძიებით ასევე დადგინდა, რომ ბრალდებულმა თავის ოჯახში სტუმრად მყოფი 10 წლის გოგონას მიმართ სქესობრივი დანაშაული ჩაიდინა.

გამოძიება საქართველოს სისხლის სამართლის კოდექსის 151-ე, 126-ე და 137-ე მუხლებით მიმდინარეობს, რაც ოჯახში ძალადობას, მუქარას და არასრულწლოვნის მიმართ გაუპატიურებას გულისხმობს.

ბრალის დამტკიცების შემთხვევაში დაკავებულს 15-დან 20 წლამდე ვადით ან უვადო პატიმრობა ელოდება.

ყველა ახალი ამბავი
0