Праздничное оформление - Sputnik საქართველო, 1920
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„პირველი ფოტოსესია“ – ქეთა თოფურიამ ახალშობილ ვაჟს ზღაპრული ფოტოგადაღება მოუწყო – ფოტოები

© Photo: Keti Topuria / FBქეთა თოფურია
ქეთა თოფურია - Sputnik საქართველო, 1920, 17.02.2021
გამოწერა
ქეთა თოფურიას ვაჟი 21 იანვარს ეყოლა. ნახეთ როგორი ფოტოსესია მოუწყო პოპულარულმა მომღერალმა პატარა ბიჭუნას.

ქეთა თოფურიამ ახალშობილ ვაჟს ფოტოსესია მოუწყო და ამის ამსახველი ვიდეო და ფოტოები სოციალურ ქსელში განათავსა. ფოტოებში ჩანს, რომ პროცესში აქტიურად იყო ჩართული ქეთას გოგონა - ოლივია გეიხმანიც.

ქეთამ დაწერა, რომ ძალიან განიცდიდა, რამდენად იქნებოდა კომფორტული ადამისთვის ფოტოგადაღება ამ ასაკში, თუმცა მაინც უნდოდა ამ ეტაპის ფოტოებზე აღბეჭდვა და მადლობას უხდის ადამიანებს, ვინც ფოტოსესიის პროცესში დაეხმარა.

რუსული ესტრადის დედოფალი ქეთა თოფურია 21 იანვარს დედა გახდა. ქეთას ვაჟი – ადამი ბელორუსული წარმოშობის დიპლომატისგან ლევ დენგოვისგან შეეძინა. წყვილმა თავისი ერთწლიანი ურთიერთობა გასული წლის ოქტომბრის თვეში დააკანონა.

ქეთამ ადამი მოსკოვის ერთ-ერთ წამყვან სამშობიარო კლინიკაში გააჩინა. მან პირველი ფოტოს გამოქვეყნებისას ისიც აღნიშნა, რომ ადამი განსაკუთრებულ დღეს დაიბადა – (20)21 წლის 21-ე დღეს, 21-ე საუკუნეში.

ახალშობილი და დედა თავს კარგად გრძნობენ. ქეთამ რამდენიმე დღის წინ „ინსტაგრამის“ „სთორიზე“ გამოაქვეყნა ვიდეო, სადაც ჩანს, რომ ის დაბრუნდა სახლში, რომელიც სავსეა ყვავილებით. როგორც ჩანს, მომღერალი სიურპრიზმა ძალიან გაახარა.

ჯერ კიდევ ფეხმძიმობის პერიოდში თაყვანისმცემლები მას ბიჭის დაბადებას „უწინასწარმეტყველებდნენ“. ქეთა შვილის სქესს საგულდაგულოდ მალავდა, ისევე, როგორც ფეხმძიმობას. მან ორსულობის შესახებ გულშემატკივრებს კლიპის მეშვეობით შეატყობინა.

ქეთასთვის ეს მეორე შვილია. მას ქალიშვილი ოლივია ჰყავს. ნახევარ და-ძმას შორის 6-წლიანი ასაკობრივი სხვაობაა. 34 წლის მომღერალმა პირველი ქალიშვილი 2015 წელს გააჩინა.

ყველა ახალი ამბავი
0