ზოდიაქოს ეს ნიშნები გუნდური მუშაობისთვის არიან დაბადებული. მათ ნდობაზე დაფუძნებული ურთიერთობები აქვთ კოლეგებთან და მათ ყოველთვის დაეხმარებიან რჩევებითა თუ მხარდაჭერით.
მერწყული
ძალზე კრეატიული ნიშანია. ბავშვობიდანვე საინტერესო იდეები უჩნდებათ და მათ პრაქტიკაში გამოყენებას არ უშინდებიან. მერწყულები ეხმარებიან კოლეგებს, ხელმძღვანელებს, ამოცანების შესრულებას უფრო სასიამოვნოს ხდიან და ყველა პროექტში შემოქმედებით პოტენციალს დებენ. ამიტომ ისინი სიმპათიას იწვევენ. ეს ადამიანები კოლეგებს პოზიტიურად განაწყობენ და მათ სამუშაო განწყობას უქმნიან. იციან, როგორ უნდა გააუმჯობესონ გუნდის განწყობა და როგორ გამოიყენოს თავისი პოტენციალი სრულად გუნდის თითოეულმა წევრმა.
თხის რქა
ზოდიაქოს ყველაზე შრომისმოყვარე წარმომადგენელია. თხის რქები ხშირად კარიერას პირველ ადგილზე აყენებენ, სამუშაო მათთვის საუკეთესო მეგობარია. არიან ძალზე მოტივირებული და ამბიციური. უყვართ გუნდში მუშაობა და სარგებლის მოტანა. მათ იციან, რა სურთ და როგორ მიაღწიონ ამას. ასევე ყოველთვის შეუძლიათ მოძებნონ სხვებისთვის მოტივირების ხერხი.
კურო
კუროები ბევრს მუშაობენ და ძალიან ჯიუტები არიან. ამიტომ აღწევენ ყველაფერს, რასაც ჩაიფიქრებენ. ადვილად არ ნებდებიან და მუშაობა სულ არ აშინებთ. ამ ნიშნით დაბადებულები მკაცრად იცავენ დაწესებულ ვადებს და ყოველთვის ძალზე სერიოზულები არიან. კოლეგებს კუროები ეხმარებიან, ამხნევებენ და ასწავლიან, როგორ გახდნენ უფრო ენერგიული.
სასწორი
ზოდიაქოს ამ ნიშნის წარმომადგენლები სიმტკიცით გამოირჩევიან, რომ საკუთარი თავი საუკეთესო მხრიდან წარმოაჩინონ და როცა ეს აუცილებელია, ძალ–ღონეს არ იშურებენ ამისთვის. უყვართ მხიარულება და გარშემომყოფებს პოზიტივით მუხტავენ. სამუშაოს სიხარულად აქცევენ. მათ ნებისმიერი გუნდისთვის განწყობის ამაღლება შეუძლიათ. მაგრამ ეს არ ნიშნავს, რომ ქარაფშუტები არიან – ნებისმიერ ამოცანასთან გამკლავება შეუძლიათ. ამასთან, ხშირად იმასაც აკეთებენ, რაც მათ მოვალეობაში არ შედის.
