თბილისი, 15 თებერვალი - Sputnik. ეუთოს მოქმედი თავმჯდომარე, შვედეთის საგარეო საქმეთა მინისტრი ან ლინდე საქართველოს სამშაბათს, 16 თებერვალს ესტუმრება. იუწყება ეუთოს პრესსამსახური.
ვიზიტის ფარგლებში ლინდე შეხვდება საქართველოს პრეზიდენტ სალომე ზურაბიშვილს, პრემიერ-მინისტრ გიორგი გახარიას, ვიცე-პრემიერსა და საგარეო საქმეთა მინისტრ დავით ზალკალიანს და სახელმწიფო მინისტრს შერიგებისა და სამოქალაქო თანასწორობის საკითხებში თეა ახვლედიანს.
„მოლაპარაკებები მიმართული იქნება ეუთოსა და საქართველოს შორის თანამშრომლობის განმტკიცებისკენ“, - აღნიშნულია განცხადებაში.
ლინდე გეგმავს ასევე შეხვედრას საქართველოს პარლამენტის თავმჯდომარე არჩილ თალაკვაძესთან, პარლამენტის წევრებთან და სამოქალაქო საზოგადოებასთან. გარდა ამისა, ეუთოს თავმჯდომარე გეგმავს სამუშაო გასვლით შეხვედრას საქართველოში ევროკავშირის სადამკვირვებლო მისიასთან ერთად.
