პოლიცია ჯარიმებს უწერს იმ მოქალაქეებს, რომლებიც პირბადის სავალდებულოდ ტარების წესს არღვევენ ქუჩებსა თუ დაწესებულებებში.
მოძრაობა „სოლიდარობის“ ლიდერის ლაშა შუკაკიძის თქმით, საქართველოს ადმინისტრაციული კოდექსი არ ითვალისწინებს ჯარიმებს პირბადის გარეშე ყოფნისთვის საზოგადოებრივი თავშეყრის ადგილებში. შესაბამისად, მისი თქმით, სამართალდამცველები კანონს არღვევენ.
შსს-ს სტატისტიკის თანახმად, საქართველოში ყოველდღიურად რამდენიმე ასეულ ადამიანს აჯარიმებენ პირბადის გარეშე ყოფნის გამო. ჯარიმა 20 ლარის ოდენობით განისაზღვრება.